عـر.بـي -
 |
| جدول مذاكرة مواد الصف الثالث الثانوى علمى وادبى 2019 في 30 يوم |
هذا الدرس سيكون حول جدول مذاكرة للصف الثالث الثانوى علمى وادبى 2019 في 30 يوم مع اهم نصائح فى المذاكرة وطبعا سيكون على موقعكم السنتر التعليمى من المرحلة (الثانوية) . نقدم لكم متابعينا الكرام طلبة وطالبات المراحل التعليمية المختلفة جدول مراجعة منهج الصف الثالث الثانوى لكل مواد علمى وادبى كاملة فى 30 يوم مع نصائح مهمة فى مراجعة مواد الثالث الثانوى ، جدول مذاكرة ومراجعة مواد الثالث الثانوى علمى وأدبى فى 30 يوم بأهم النصائح للفصل الدراسي الأول و الثاني 2018/2019 منهج جديد .
جدول مراجعة كل مواد الثالث الثانوى
جدول مذاكرة للثانوية العامة علمي علوم وعلمي رياضة وأدبي ، جدول مذاكرة للثانوية العامة فى 30 يوم او 4 اسابيع ، الجدول شامل منهج كل مواد الثالث الثانوى ، مع العلم ان الجداول محتاجة لمجهود وتركيز ودا طبيعى بالنسبة للفترة الحالية وانه فقط يتبقى اقل من شهرين قبل امتحانات الثانوية العامة ، مع الحرص على البدء مع الجداول مع بداية الأسبوع الحالي حتى الانتهاء بشكل مبكر واستغلال الوقت الباقى لحل الكثير من الامتحانات ، والجدول يعتبر فرصة مميزة جدا لكل طالب لتنظيم الوقت ومذاكرة كل المواد واستغلال كل ثانيةأهم نصائح جدول مراجعة كل مواد الثالث الثانوى
- عند مذاكرة اللغة العربية فى كل مرة لابد من حل قطعة نحو او قطعة بلاغة
- عند مذاكرة اللغة الانجليزية لابد من حل قطعة انجليزى مع براجراف مع ترجمة
- البدء فى الجدول من الان لاستغلال الوقت الباقى فى حل الامتحانات
جداول مراجعة مواد الثالث الثانوى
نصائح التي تحتاجها في هذه الفترة
1- ابعد عن الأفكار السلبية : الوقت ضاع – يدوب الحق تنجح ،،، وابعد بالأكثر عن الأصدقاء السلبيين فى هذه الفترة ،،، صحابك اللى كل ما تحاول تشحن طاقتك وترفع عزيمتك يهبطوك بقصد او من غير قصد ابعد عنهم شوية2- فكر فى ان طلاب كثير على مدار سنين اكثر بدأوا دلوقتى وجابوا اعلى الدرجات وحققوا حلمهم ،، انت مش اققل منهم .
3- وانت فى الدروس ، اعتبر ان الحصة دى حرب لازم تطلع منها فاهم وحافظ ومذاكر ، وفى البيت هتراجع على اللى اخدته ،،، يعنى مش اروح اذاكر اللى فهمته فى الدرس ، لا انت هتروح تراجع اللى ذاكرته فى الدرس
4- كل لما تلاقى أفكار سلبية وطموحك بدأ يهبط تانى ، فكر فى لحظة النتيجة ... فكر فى الفرحة اللى هتكون فيها ... فكر فى شعورك وانت بتقدم فى الكلية ... فكر كده معايا وانت محقق حلمك اللى تعبت عشانه
5- طيب اذاكر قديم ولا جديد ،، احنا اتفقنا بقى فى الحصة انت بتذاكر الجديد مع المستر ،، وفى البيت هنراجع و ناخد حاجة قديمة ،، ومتقلقش لو المدرس بتاعك عنده ضمير اظن هيعيد شرح المنهج كلمة كلمه بس تخلى عند دافع للإنجاز
6- الايام اللى انت إجازة فيها معندكش دروس ،، دى بقى مش هقولك هتفرق معاك ازاى يا برنس ،،، حاول تقوم من الساعة 6.30كدة الصبح ،،، بس تكون مرتب هتذاكر ايه من قبلها بيوم ، لان احيانا يبقى عندك رغبة فى المذاكرة لكن مش عارف تبدأ منين وبأى مادة
7- يوم الاجازة ده ابعد عن الموبيل ،، او حدد انت بتمسكه الساعة كام لكام ،،، بهدف تعرف حاجة معينة فى المذاكرة على شوية دلع وترفيه ،، لكن مكنتش جنبك طول اليوم عشان تضمن انك مش هتتعطل
8- نصيحتى ليك ،،، حل كثير جدا ، تانى حل كثير جدا ،، كمان مرة اهو حل كثير جدا ... ليه بقا ، لان الاسئلة مع تكرارها انت بتعرف ايه الاجزاء المهمة في المنهج وايه مواطن الامتحان ،،، ومع تكرار الاسئلة ونوعها هتحافظ اسئلة كاملة مع اجوبتها
9- هتلاقى كده بوستات من نوع : مصر خرجت من التصنيف العالمى للتعليم ،،، اتعب ليه فى بلد محدش بيشتغل بشهادته ، دى اسمها حيل نفسية او تبرير مقنع بالزيف ،، هنا نفسك عايزة تهرب او تبرر الفشل بس بطريقة شيك شوية ،،، لا يا برنس ناس كثير بتشتغل بشهادتها ،، وناس كثير بتنجح ،، وناس اكثر بتتميز فى مجالها ،،، وناس كثير بتتغنى من شهادتها وتميزها ،، متحورش على نفسك وخليك واعي
10- خليك حضرى فى المذاكرة ،،، ايوة حضرى ،، فى الاصرار والعزيمة والرجولة _حتى لو بنت – فى الانضباط ،،، اوعى تستسلم للكسل والضغوط والمحبطين الفاشلين ،،، شوف الناس اللى قالت الحضرى كبر مينفعش للمنتخب هما برضو اللى دلوقتى بيقولوا ارقص يا حضرى
11- ضع كميات مذاكرة معقولة فى اليوم ،،، يعنى مش تقرأ البوست ده وتسخن وتقول انا هخلص كله النهاردة ،، كميات مناسبة علشان تقدر تخلصها وتفرح ويشعر بالإنجاز ،، شعور الانجاز ده بقا لو جرى فى دمك وحسيت انك تقدر تخلص اجزاء ، ده لوحده كفيل يخليك شعلة نشاط لان تذوق الانجاز ادمان
12- تخيل معايا منظرك وانت طالع من اللجنة فرحان انك حليت على اعلى مستوى ،،، تخيل القلم وهو بيجرى وانت مش ملاحقة لانك مذاكر ،،، تخيل كده اول لما يتوزع عليك ورقة الامتحان وتبص فيها وعينك تدمع من الفرحة لانك عارف الاجابة ،،، كل ده ميخلكش تموت نفسك فى المذاكرة ومتضيعش ولا ثانية من النهاردة
13- تخيل بقا وانت خارج وكل فرحان وانت اللى زعلان لانك بعد الشر عكيت ،،، صدقني شعور زى الزفت ،،، هتقول ياريتنى كنت ذاكرت ،، ياريتنى مضيعتش كل ده وقت ،،، الفرصة لسه عندك والوقت لسه قدامك .
14- قول بصوت عالى كدة معايا : انا اقدر انا اقدر انا اقدر ،،،، لا مش من قلبك ،، كمان مرة وبصدق قدام ربك علشان يبقى شاهد عليك : انا اقدر.
الطلاب شاهدوا أيضًا:
شاهد ايضا اجدد مواضيع لصفك، متجددة دائما ولا تنسى الدخول للقسم الخاص لصفك لتحميل باقي مذكرات المواد الدراسية، ولا يفوتك ايضا اهم المراجعات والامتحانات لضمان الدرجة النهائية في كل المواد .جدول مذاكرة مواد الصف الثالث الثانوى علمى وادبى 2019 في 30 يوم تم اضافه الموضوع بواسطة 3ar.be
موقع عربي- هذا الموضوع منقول من موقع (سنتر التعليمي) للوصول الى المصدر اضغط هــنــا
ليست هناك تعليقات